चितवन। पुर्बी चितवनको रत्ननगरको एक सुपर मार्केटमा आगलागी भएको छ । आइतबार राती रत्ननगर नगरपालिका वडा नं १ सौराहाचोक स्थित साहारा सुपर मार्केटमा आगलागी भएको हो ।
जिल्ला प्रहरी कार्यालय चितवनका प्रवक्ता श्रीराम भण्डारीका अनुसार मार्केटमा बिद्युत चुहावट भई आगलागी भएको हो । सुपर मार्केट भित्र मन्जु सापकोटाले संचालन गरेको सुहाना फेसन कलेक्सन पूर्ण रुपमा जलेर नस्ट भएको छ । पसलमा विक्रीका लागि राखिएका कपडा, फर्निचर तथा अन्य सामाग्री जलेर नष्ट भएको उहाँले जानकारी दिनुभयो ।
राती ११ वजे आगलागी भएको हो । आगो स्थानीय , नेपाल प्रहरी र दमकलको सहायताले १२ः३० नियन्त्रणमा लिईएको थियो । क्षतिको बिबरण आउन बाँकी रहेको उहाँले जानकारी दिनुभयो ।
