चितवन। पश्चिम चितवनको राप्ती नदी किनारमा एउटा भाले गैडा मृत अबस्थामा भेटिएको छ । भरतपुर महानगरपालिका वडा नम्बर २२ को वीरेन्द्रनगर मध्यवर्ती सामुदायिक वनको क्षेत्रमा आज दिउँसो गैंडा मृत अबस्थामा भेटिएको हो ।
अन्दाजी ३० वर्षिय भाले गैंडा मृत अबस्थामा भेटिएको चितवन राष्ट्रिय निकुञ्जका सूचना अधिकारी गणेश प्रसाद तिवारीले जानकारी दिनुभयो । उहाँका अनुसार आज दिउँसो मृत भेटिएको गैंडाको खाग, खुर सुरक्षित रहेको छ । उहाँले अर्को गैंडासँग जुधेर गैंडा मरेको हुनसक्ने बताउनुभयो ।
चितवन राष्ट्रिय निकुञ्जमा चालु आर्थिक बर्षमा ११ वटा गैंडा मरेका छन् । जस मध्ये २ वटा चोरी शिकारीले मारेका थिए भने अन्य प्राकृतिक कारणले मरेका हुन ।
