नवलपुर । नवलपुरको देवचुलीमा सेन्ट्रल कलेज जिल्लास्तरीय यू १६ अन्तर विद्यालय टी २० क्रिकेट प्रतियोगिता हुने भएको छ । आगामी माघ १५ गतेबाट सेन्ट्रल कलेज जिल्लास्तरीय यू १६ अन्तर विद्यालय टी २० क्रिकेट प्रतियोगिता हुन लागेको हो ।
प्रतियोगिताको मूख्य प्रायोजक सेन्ट्रल कलेट रहेको आयोजक रोयल क्रिकेट एकेडेमिले जनाएको छ । प्रतियोगितामा २० भन्दा बढी टोलीको सहभागिता रहेने आयोजकले जनाएको छ । प्रतियोगितामा सहभागिता जनाउन टिम दर्ता माघ १४ गतेसम्म गर्न सकिने रोयल क्रिकेट एकेडेमीका सन्तोष न्यौपानेले बताए ।
क्रिकेटको पछिल्लो सफलताका बाबजुद जिल्लामा केन्द्रिय तहले कुनै प्रतियोगिता आयोजना नगरेको पृष्ठभूमिमा यस्ता प्रतियोगिताले क्रिकेट विकासमा ग्रास रुटबाटै सहयोग गर्ने अपेक्षा सहित प्रतियोगिता गर्न लागेको न्यौपानेको भनाइ छ । क्रिकेट विकास अभियानमा आफूहरुलाई सेन्ट्रल कलेजले साथ दिएकोमा न्यौपानेले खुशीसमेत व्यक्त गरे ।
प्रतियोगिताको विजेताले ३५ हजार नगदसहित मेडल प्रमाणपत्र र ट्रफि प्राप्त गर्नेछन् । दोस्रो हुन् टोलीले १५ हजार नगद सहित मेडल प्रमाणपत्र र ट्रफि प्राप्त गर्नेछन् ।
