चितवन । कास्की प्रहरीले १ किलो अवैध लागूऔषध गाँजा र र ब्राउन सुगर ८० सहित मिलिग्रामसहित २ जनालाई प्रक्राउ गरेको छ । पक्राउ पर्नेमा चितवन रत्ननगर नगरपालिका–९ घर भएका २७ वर्षीय सन्दिप श्रेष्ठ र पोखरा महानगरपालिका–१७ ड्यामसाईड घर भएका २१ वर्षीय बिजन सापकोटा छन् ।
प्रहरीका अनुसार उनीहरु पोखरा महानगरपालिका–६ जरेबरमा डेरा गरी बस्ने गरेका थिए । वडा प्रहरी प्रहरी कार्यालय बैदाम र लागूऔषध नियन्त्रण ब्यूरोबाट खटिएको प्रहरीले सन्दिपलाई १ किलोग्राम गाँजा र बिजनलाई ८० मिलिग्राम ब्राउन सुगर सहित फेला पारी पक्राउ गरेको हो ।
यसैगरी कास्कीकै पोखरा महानगरपालिका–१० रंगशाला गेट अगाडिको खाजा घरका संचालक देवी मायाँ गुरुङलाई अवैध लागूऔषध गाँजा १ किलो २८० ग्राम र नगद ८७ हजार ४ सय ३५ रुपैयाँसहित शनिबार बेलुकी प्रहरीले पक्राउ गरेको छ ।
वडा प्रहरी कार्यालय रामबजारको प्रहरीले खाजा घर तलासी गर्दा दराजभित्र लुकाई राखेको उक्त गाँजासहित फेला पारी उनलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
