चितवन । रत्ननगर उद्योग बाणिज्य संघले सिनेमारोडमा रहेको कपडा पसलमा भएको आगलागीप्रति दुःख व्यक्त गरेको छ । संघले आज एक विज्ञप्ती जारी गरेर घटनाप्रति दुःख व्यक्त गरेको हो ।
संघका सदस्य रहेका गणेश भण्डारीको भण्डारी फेशन कलेक्सन विद्युत सट भइ आगलागीहुँदा पसलमा विक्रीका लागि राखिएको सम्पूर्ण सामाग्री जलेर नष्ट भएको भन्दै संघले घटनाप्रति दुख व्यक्त गरेको हो । संघका अध्यक्ष शंकर गिरीले आर्थिक मन्दीका कारण व्यवसायमा असर परिरहेका बेला कपडा पसलमा भएको आगलागीको घटना दुखदायी रहेको बताए ।
