चितवन । भरतपुर महानगरपालिकाको वडा नं ४, ७ र ८ को विभिन्न स्थानमा आज पनि दिनभर विद्युत अवरुद्ध हुने भएको छ । भरतपुर–माडी हुलाकी राजमार्ग अन्तर्गत हाकिमचोकदेखि बुद्धचोकसम्मका विद्युत पोल हिजो स्थानान्तरण गरेर नसकिएकाले आज पनि सारिने नेपाल विद्युत प्राधिकरण भरतपुर वितरण केन्द्रले जनाएको छ ।
हस्पिटल फिडर र भरतपुर १ फिडर सटडाउन गरेर पोल स्थानान्तरण गर्नुपर्ने भएकाले भरतपुरका ती वटा वडामा विद्युत अवरुद्ध हुने भएको हो । बिहान ९ बजेदेखि बेलुका ५ बजेसम्म विद्युत अवरुद्ध हुने भरतपुर वितरण केन्द्रले जानकारी दिएको छ ।
विद्युत अवरुद्ध हुँदा बिपि कोईराला मेमोरियल क्यान्सर अस्पताल, सृजना चोक, बुद्धचोक, क्यान्सर १ नम्बर गेट अगाडि एरिया, पिस जोन स्कुल एरिया, कटहरचोक, पिपलचोक र सनराईज स्कुल एरियाका उपभोक्ताहरु प्रभावित हुने छन् । हुलाकी राजमार्ग विस्तारको काम चलिरहेकाले सडक अधिकार क्षेत्रभित्र परेका विद्युत पोल स्थानान्तरण गर्न लागिएको हो ।
