चितवन । भरतपुरमा भोलि (शनिबार) दिनभर विद्युत अबरुद्ध हुने भएको छ । नेपाल विद्युत प्राधिकरण भरतपुर वितरण केन्द्रका इन्जिनियर राजेन्द्र पौडेलले सूचनामा बिहान सात बजे भनिएपनि एसईई परीक्षालाई मध्येनजर गर्दै साढे ८ बजेदेखि अपरान्ह ४ बजेसम्म विद्युत लाइन सटडाउन गर्न लागिएको बताए ।
आँपटारीदेखि बसपार्क चोकसम्म सडक विस्तार कार्यको लागि विद्युतका संरचना स्थानान्तरण गर्नुपर्ने भएकाले विद्युत अबरुद्ध हुने प्राधिकरणले जनाएको छ ।
नारायणगढ, भरतपुर–१, हस्पिटल, औद्योगिक–१, औद्योगिक–२, न्यु फिडर र गणेशथान फिडरबाट वितरित विद्युत लाइन अवरुद् हुने सूचनामा उल्लेख छ । भरतपुर–२ र कोकाकोला फिडर भने सुचारु हुने बताइएको छ ।
