चितवन । नेपाल कम्युनिष्ट पार्टीका महासचिव नेत्रबिक्रम चन्द ’बिप्लव’ ले माडीका किसानहरुसंग सामुहिक भेटघाट गर्नुभएको छ ।
माडी-४, खैरहनीमा रहेको कृषि एग्रो फर्मको सभाहलमा बिहीबार राती माडीका दुग्ध, तरकारी, फलफुल, मौरी, माछा र अन्य विभिन्न ब्यबवसायीहरुसंग विभिन्न विषयमा छलफल भएको हो ।
पछिल्लो समय किसानले उब्जनी गरेका फलफुल र तरकारीहरुले राम्रो बजार भाउ नपाउँदा सडकमा फाल्नुपरेको बताउँदै कृषकहरुले यस्तो कार्य रोक्न र किसानका समस्या समाधान हुने व्यवस्था गर्न कृषकहरुले महासचिव ’बिप्लव’लाई ध्यानाकर्षण गराएका थिए ।
त्यस्तै, कार्यक्रममा सहभागी विभिन्न क्षेत्रका ब्यवसायीहरुले आआफ्ना ब्यवसायका समस्याका बारेमा जानकारी गराएका थिए । कार्यक्रममा नेकपाका केन्द्रीय पोलिटब्युरो सदस्य सन्देश पौडेल सी एवं सो पार्टीका नेता कार्यकर्ता तथा माडीका कृषि ब्यवसायीहरुको समेत सहभागिता रहेको थियो ।
