चितवन । वरिष्ठ फिजिसियन डा. भोजराज अधिकारीले माडीका दुई विद्यालयलाई खेलकूद तथा शैक्षिक सामग्री सहयोग गर्नुभएको छ ।
भरतपूर अस्पतालका पूर्व अध्यक्ष समेत रहनुभएका डा. अधिकारीले माडी-४, खैरहनीस्थित खैरहनी माध्यमिक विद्यालय र माडी-९, हनुमानझुलास्थित सगरमाथा माध्यमिक विद्यालयलाई शैक्षिक एवं खेलकूद सामग्री खरिदका लागि रु २५/२५ हजार प्रदान गर्नुभएको हो ।
अर्जेनटिनी फुटबल फ्यान क्लब चितवनका प्रमुख सल्लाहकार रहनुभएका डा. अधिकारीले २०२२ को कतार विश्वकप अर्जेन्टिनाले जितेको अवसरमा भरतपुर र माडीको विद्यालयलाई शैक्षिक र खेदकुद सामग्री सहयोग गर्ने घोषणा गर्नुभएको थियो ।
सोही अनुसार माडीका दुई विद्यालयलाई सहयोग प्रदान भएको र भरतपुर महानगर क्षेत्रका दुई विद्यालय छनोटको चरणमा रहेको उहाँले बताउनुभयो । एक लाख रुपैयाँ बराबरको शैक्षिक सामाग्री चार वटा विद्यालयलाई वितरण गर्ने योजना भएको उहाँको भनाई छ ।
