चितवन। बागमती प्रादेशिक एवं दोस्रो खैरहनी महोत्सवको दोस्रो दिन रास्ट्रिय योजना आयोगका पुर्व उपाध्यक्ष डाक्टर बिश्वनाथ पौडेलले बिहीबार महोत्सवको अबलोकन गरेका छन् ।
गत चुनाबमा चितवन निर्वाचन क्षेत्र नम्बर १ बाट प्रतिनिधि सभा सदस्य उम्मेदवार समेत रहेका पौडेल सहितको टोलिले महोत्सवको अबलोकन गर्दै यहाँको बस्तुस्थिति बारे जानकारी लिएका हुन । सो अवसरमा पौडेलले कृषि ,पर्यटन र उद्योगलाई प्राथमिकता दिएर स्टल राखिएकोमा खुसी प्रकट गरे ।
योजना आयोग उपाध्यक्षसंगै खैरहनी नगर प्रमुख शशी कुमार खनियां,उपप्रमुख कविता उप्रेती ,वडा अध्यक्षहरुको सहभागी थिए । टोलीलाई नेपाल उद्योग बाणिज्य महासंघ बागमती प्रदेश कोषाध्यक्ष गुणराज श्रेष्ठले महोत्सवका विशेषता तथा आकर्षणबारे जानकारी गराएका थिए ।
महोत्सवको दोस्रो दिन चर्चित गायिका एलिना चौहानले उपस्थित दर्शकलाई आधा दर्जन गित मार्फत मनोरञ्जन दिलाएकी थिइन् । तेस्रो दिन शुक्रबार लोकदोहोरी गायक रविन लामिछाने र गायिका रितु कडेंलको प्रस्तुति रहने सांस्कृतिक समिति संयोजक अर्जुन लम्सालले जानकारी दिए ।
बिहीवार करिब ५ हजार टिकट बिक्रि भएको आयोजक उद्योग बाणिज्य संघ खैरहनीका प्रथम उपाध्यक्ष कुमार खनालले जानकारी दिए । नेपाल उद्योग बाणिज्य महासंघ बागमती प्रदेश र उद्योग बाणिज्य संघ खैरहनीको आयोजनामा संचालित महोत्सव माघ १५ गते सम्म चल्नेछ ।
