चितवन । लायन्स क्लब अफ नारायणगढ र लायन्स क्लब अफ नारायणगढ नारायणीले माडीको पाण्डवनगरस्थित राष्ट्रिय आधारभूत विद्यालयका १०९ जनालाई विद्यार्थीलाई न्यानो कपडा वितरण गरेका छन् ।
चिसो बढेसंगै विद्यार्थीहरुलाई अध्ययनका लागि विद्यालय जान समस्या हुन थालेपछि विपन्न विद्यार्थीहरु अध्ययन गर्ने सो विद्यालयका विद्यार्थीहरुलाई क्लबले न्यानो कपडा सहयोग गरेको हो ।
कार्यक्रमका प्रमुख अतिथि वडा नं.१ का वडा अध्यक्ष अमित कुमार लामा, लायन्स क्लब अफ नारायणगढका अध्यक्ष लायन शान्तकुमार पिया र लायन्स क्लब अफ नारायणगढ नारायणीकी अध्यक्ष लायन दुर्गा अधिकारी निरौला लगायतले विद्यार्थीहरुलाई न्यानो कपडा हस्तान्तरण गर्नुभएको थियो ।
