काठमाडौं । इंग्लिस प्रिमियर लिग फुटबलमा लिभरपुलले दोस्रो जित निकालेको छ । शनिबार लिग चरणको दोस्रो खेलमा लिभरपुलले बर्नलीलाई २–० ले पराजित गरेको हो।
लिभरपुललाई जित दिलाउन डिएगो जोटा र साडियो मानेले एक÷एक गोल गरे । खेलको १८औँ मिनेटमा जोटाले गोल गर्दै घरेलु टिमलाई अग्रता दिलाएका थिए । मानेले ६९औँँ मिनेटमा ट्रेन्ट अलेक्जेन्डर अर्नाल्डको पासमा गोल गर्दै एनफिल्ड क्लबलाई २–० को जित दिलाए ।
लिभरपुल दुई खेलबाट ६ अंक जोड्दै तालिकाको शीर्ष स्थानमा उक्लिएको छ । बर्नली अंकविहीन हुँदै तालिकाको १७औँ स्थानमा छ ।
