चितवन। चितवन प्रहरीले नगद रु २ लाख २२ हजार ५ सहित ९ जना जुवाडेलाई पक्राउ गरेको छ । भरतपुर महानगरपालिका वडा नम्बर ३ बेलचोकबाट बिहिबार उनीहरुलाई पक्राउ गरिएको जिल्ला प्रहरी कार्यालय चितवनका प्रहरी नायव उपरिक्षक नरहरी अधिकारीले जानकारी दिए ।
स्थानीय अनिल गुप्ताको घरबाट उनीहरुलाई पक्राउ गरिएको उनले जानकारी दिए । उनीहरुको साथबाट नगद सहित तास १० बुक, तन्ना १ थान बरामद गरिएको कार्यालयले जनाएको छ । पक्राउ परेका उनीहरुलाई मुलुकी अपराध संहिता २०७४ को दफा १२५ अन्तर्गत जुवा मुद्धामा अनुसन्धान सुरु गरिएको अधिकारीले जानकारी दिए ।
