सल्यान। सल्यानमा जिप दुर्घटना हुँदा आठ जनाको मृत्यु भएको छ । बाँकेको ढकेरीबाट सल्यानको कपुरकोट जाँदै गरेकाे जिप मूलपानीनजिकै दुर्घटनामा परेकाे हाे ।
दुर्घटनामा आठ जनाकाे घटनास्थलमै मृत्यु भएकाे र एक जना घाइतेलाई उपचारका लागि दाङ पठाइएकाे कपुरकाेट गाउँपालिकाका अध्यक्ष दुर्गाबहादुर पुनले जानकारी दिए ।
घाइते भएका तिलक वलीले बिहान २ बजेतिर दुर्घटनाबारे प्रहरीलाई फाेन गरेर जानकारी दिए पनि दुर्घटनास्थल पत्ता लगाउनै डेढ घण्टा लागेकाे थियाे । बिहान साढे ३ बजे मात्रै दुर्घटनास्थल पत्ता लगाउन सकिएकाे अध्यक्ष पुनले जानकारी दिए ।
उनका अनुसार मृत्यु हुनेमा कपुरकाेट ६ का धर्म वली, बसन्त वली, टोपबहादुर वली, कुमारी वली, सुरेश खत्री र खेमलाल वली रहेका छन् ।
यस्तै वडा नम्बर ५ का ललित वली र जिप चालक जितबहादुर बोहराकाे पनि घटनास्थलमा शव फेला परेकाे छ । जिपमा ९ जना सवार थिए । उनीहरूले जिप रिजर्व गरेका थिए । मृत्यु हुनेहरू एकै परिवार र नातागाेताका सदस्य रहेकाे बताइएकाे छ ।
