चितवन। चितवन प्रहरीले सुनको सिक्री चोरी तथा डाँका गरेको अभियोगमा एक जनालाई पक्राउ गरेको छ। पक्राउ पर्नेमा भरतपुर -२३ घरभई हाल भरतपुर -४ सृजनाटोल बस्ने बर्ष ४३ को झलक जैसी रहेका छन्।
जैसीले ले भदौ २३ गते बिहिबार भरतपुर ४ लंकुस्थित सडकमा सोहि ठाउँ बस्ने बर्ष ७० की खगेश्वरी भुषालले लगाएको सुनको सिक्री स्कुटरमा आइ चोरी तथा डाँका गरी फरार भएका थिए ।
जैसीको खोजी गर्ने क्रममा हिजो डाँका गरेको सुनको सिक्री, घटना घटाउँदा प्रयोग गरेको ना ४३ प ७४८५ नं. को स्कुटर सहित पक्राउ गरी चोरी तथा डाका कसूरमा थप अनुसन्धान भैरहेको जिल्ला प्रहरी कार्यालय चितवनका प्रवक्ता प्रहरी नायव उपरीक्षक विजयराज पण्डितले बताए ।
