चितवन । नारायणी नदीमा एक पुरुष मृत फेला परेका छन् । आइतबार दिउँसो १ बजे भरतपुर महानगरपालिका १६ गणेश मन्दिर स्थित नारायणी नदीको बिच भागबाट पहिचान नखुलेका एक पुरुषको शव फेला परेको प्रहरीले बताएको छ ।
उक्त स्थानमा शव फेला परेको भन्ने सूचना प्राप्त हुनासाथ अस्थायी प्रहरी पोष्ट शरणपुर र वडा प्रहरी कार्यालय नारायणगढबाट खटिएको प्रहरी टोलीले उक्त शव ल्याइ पोस्टमार्टमका लागि भरतपुर अस्पताल लगिएको जिल्ला प्रहरी कार्यालय चितवनका प्रवक्ता विजयराज पण्डितले बताए ।
