काठमाडौं । सर्वोच्च अदालत फर्किने तयारी गरिरहेका निलम्बित प्रधानन्यायाधीश चोलेन्द्रशमशेर जबरालाई प्रहरीले बालुवाटारस्थित सरकारी निवासमै रोकेको छ ।
चोलेन्द्र निस्कने गेटमा तालाबन्दी गरेर बाक्लो संख्यामा सुरक्षाकर्मी परिचालन गरिएको छ । यता, सर्वोच्च परिसरमा पनि सुरक्षा सतर्कता बढाइएको छ ।
आफू बस्ने क्वाटरको गेटमा तालाबन्दी गर्दै प्रहरी खटाएर सरकारले अराजकता गरेको चोलेन्द्रको टिप्पणी छ ।
महाभियोग सिफारिस समितिले जबराविरुद्ध महाभियोग लगाउन सिफारिस गरेको छ । समितिले सो प्रतिवेदन शनिबार राति सभामुख अग्नि सापकोटालाई बुझाएको छ । तर, संसदको कार्यकाल सकिएसँगै आफ्नो महाअभियोग पनि निष्क्रिय भएको चोलेन्द्रको तर्क छ ।
जबरााविरुद्ध १ फागुन २०७८मा महाभियोगको प्रस्ताव प्रतिनिधिसभामा दर्ता भएको थियो। दर्ता भएसँगै उनी निलम्बनमा परेका थिए।
