काठमाडौं । पाकिस्तानले घरेलु टोली वेस्ट इन्डिजविरुद्धको टि–ट्वान्टी सिरिज जितेको हो । गुएनामा वेस्ट इन्डिज र पाकिस्तानबीचको चौंथो तथा अन्तिम टी–ट्वान्टी क्रिकेट नतिजा विहीन भएपछि पाकिस्तानले सिरिज जितेको हो ।
मंगलबार राति भारी वर्षाको कारण चौथो टी–ट्वान्टी नतिजा विहीन सकिएको हो । खेल प्रभावित हुनुअघि वेस्ट इन्डिजले ३ ओभरमा बिना विकेटको क्षतिमा ३० रन जोडेको थियो ।
आन्तिम खेल रद्द भएसँगै ४ खेलको टी–ट्वान्टी सिरिज पाकिस्तानले १–० ले जितेको छ ।
यसअघि वर्षाकै कारण पहिलो र तेस्रो खेल रद्द भएको थियो । दोस्रो खेल भने पाकिस्तानले वेस्ट इन्डिजलाई ७ रनले पराजित गरेको थियो ।
दोस्रो खेलमा जित निकालेको कारण नै पाकिस्तानले सिरिज जित्न सफल भएको हो ।
