चितवन। चितवनमा कुखुराको दाना उत्पादन गर्ने उद्योगमा भीषण आगलागी हुँदा डेढ करोडको क्षती भएको छ।
जिल्लाको राप्ती नगरपालिका ३ झुरझुरेस्थित किरणभूषण ओलीको मञ्जुश्री दाना उद्योगमा शुक्रबार राति १ :४० बजेतिर विद्युत सर्ट भएर आगलागी भएको हो।
उद्योगका सञ्चालक ओलीका अनुसार उद्योगमा भएको आगलागीबाट दाना बनाउन प्रयोग हुने मेसिन, बिजुलिका सामान, गोदाममा भएको दाना लगाएतमा डेढ करोड बराबरको क्षती भएको जिल्ला प्रहरी कार्यालय चितवनले जनाएको छ।
प्रहरीका अनुसार उक्त स्थानमा आगोलागी भएको भन्ने खबर प्राप्त हुनासाथ ईलाका प्रहरी कार्यालय भण्डाराबाट खटिएको प्रहरी टोलि र स्थानीयले दमकलको सहायतामा बिहान ३:२० मा पुर्ण रूपमा आगो नियन्त्रणमा लिएको थियो ।
आगलागिबाट मानवीय र चौपाय क्षति भएको छैन। आगलागीबारे थप अनुसन्धान भइरहेको छ।
