चितवन । राष्ट्रिय सभाका अध्यक्ष गणेशप्रसाद तिमिल्सिना आज नेकपा एमालेको उपाध्यक्ष तथा पूर्व गृहमन्त्री रामबहादुर थापा बादलको निवास भरतपुर २ क्षेत्रपुर पुगेका छन् ।
उपाध्यक्ष थापाकी दिवंगत आमा नन्दकुमारी थापामगरप्रति श्रद्धाञ्जली व्यक्त गर्न अध्यक्ष तिमिल्सिना बादल निवासमा पुगेका हुन् । अध्यक्ष तिमिल्सिनाले दिवंगत आमाप्रति भावपूर्ण श्रद्धाञ्जलि अर्पण गर्दै पूर्वमन्त्री रामबहादुर थापालगायत शोक सन्तप्त सम्पूर्ण परिवार र आफन्तजनहरुमा गहिरो समवेदना व्यक्त गरे ।
अध्यक्ष तिमिल्सिना रत्ननगरमा आज हुने एक कार्यक्रममा सहभागी हुन आज चितवन आएका हुन् । उपाध्यक्ष बादलकी आमा नन्दकुमारी थापामगरको आज बिहान ७ बजे निधन भएको छ । ९४ वर्षको उमेरमा नन्दकुमारीको निवासमै निधन भएको हो ।
