चितवन । नेकपा माओवादी केन्द्रका अध्यक्ष पुष्पकमल दाहाल प्रचण्डले मंसिर ४ गते हुने निर्वाचनमा चितवन ३ बाट नै लड्ने प्रतिबद्धता जनाएका छन् ।
आज सुर्खेतमा भएको पत्रकार सम्मेलनमा पत्रकारको जिज्ञासामा अध्यक्ष प्रचण्डले भने, ‘चितवन ३ बाट नै लड्छु, पहिला पनि त्यहीँबाट लडेको हुँ, अहिले पनि त्यहीँबाट लड्छु।’
पत्रकारले एमालेबाट उपाध्यक्ष रामबहादुर थापा बादल उठ्ने भन्ने कुरा छ नि, भनेर प्रश्न गरेपछि अध्यक्ष प्रचण्डले भने, ‘बादलसँग मेरो तुलनै हुन सक्दैन, तुलना नहुने कुरालाई पत्रकार साथीहरुले नसोध्दा राम्रो हुन्छ।’
