चितवन । चितवनमा विभिन्न २० भन्दा बढी ठाउँमा धान दिवस मनाइएको छ । कृषि ज्ञान केन्द्र चितवनले कृषि सहकारीदेखि महिला समूहसम्म, सरकारी निकायदेखि सामाजिक संघसंस्थासम्मले आज धान दिवस मनाएका जनाएको छ ।
कृषि ज्ञान केन्द्रका प्रमुख युवराज पाण्डेका अनुसार चितवनमा आज २० भन्दा बढी ठाउँमा धान दिवसका कार्यक्रमहरु भएका छन् । उनले भने, ‘चितवनमा धान दिवस भव्य तरिकाले मनाइएको छ, साँझसम्म धान दिवस मनाउने कार्यक्रम चलिरहन्छ ।’
प्रधानमन्त्री कृषि आधुनिकिकरण परियोजना, परियोजना कार्यान्वयन इकाई चितवन र कृषि ज्ञान केन्द्र चितवनले आज बुधवार खैरहनी १३ मा मेसिनबाट धान रोपेर धान दिवस मनाईएको छ ।
