चितवन । चितवनको भरतपुरमा दिनदहाडै महिलाहरुको घाँटीको सिक्री लुट्नेक्रम बढेको छ । सडकमा हिँड्ने महिलाहरुको दिउँसै घाँटीको सिक्री लुटिएपछि पीडित महिलाहरु उजुरी लिएर जिल्ला प्रहरी कार्यालय चितवनमा आएका छन् ।
विभिन्न मोटरसाइकलमा आएका लुटेराहरुले नै घाँटीको सिक्री तानेर भागेका पीडित महिलाहरुले बताएका छन् । उनीहरुले सिक्री तानेर भाग्ने लुटेराहरुलाई पक्राउ गर्न माग गरेका छन् । सिक्री तान्दा कतिपय महिलाहरुको घाँटीमा घाउसमेत भएको छ । प्रहरीले सुरक्षा दिन नसकेको र सिक्री लुटेराहरुलाई पक्राउ गर्न नसकेको पीडित महिलाहरुले बताएका छन् ।
