चितवन । रत्ननगर ९ गणेशचोक (पूर्वपश्चितमा ट्रकको ठक्करबाट एक साइकलयात्रीको मृत्यु भएको छ । टाँडीबाट भरतपुरतर्फ जाँदै गरेको ना ४ ख २७४८ नम्बरको ट्रकल साइकल यात्री रत्ननगर १० बस्ने वर्ष ३७ को पुरुष उमेश दराईलाई ठक्कर दिएको थियो ।
ठक्करबाट गम्भीर घाइते भएका दराईको उपचारको लागि भरतपुर अस्पताल ल्याउनेक्रममा मृत्यु भएको चितवन प्रहरीले जनाएको छ । इलाका प्रहरी कार्यालय टाँडी, खैरहनी, भण्डारा र जिल्ला प्रहरी कार्यालय चितवनबाट खटिएको टोलीले ट्रक र चालकलाई नियन्त्रणमा लिएको छ ।
बिहान २ घन्टा घटनको विषयलाई लियर स्थानीयले सडक अवरुद्ध पारेका थिए । तत्काल फरार भएको ट्रक र चालकलाई अहिले नियन्त्रणमा लिएर प्रहरीले अनुसन्धान गरिरहेको छ । प्रहरीका अनुसार ट्रक चालक हेटौडा १४ बस्ने बर्ष ४५ का धावा थोकरलाई ट्रकसहित नियन्त्रणमा लिएर अनुसन्धान गरेको प्रहरी प्रवक्ता नरहरि अधिकारीले बताए । अवरुद्ध सडक दुईतर्फी नै सञ्चालनमा आएको छ ।
