काठमाडौं । राष्ट्रपति विद्यादेवी भण्डारीले नेपाली कांग्रेसका सभापति शेरबहादुर देउवालाई मंगलवार अपरान्ह प्रधानमन्त्री पदमा नियुक्त गर्नुभएको छ ।
उहाँले संविधानको धारा ७६ (५) अनुसार देउवालाई प्रधानमन्त्री पदमा नियुक्त गर्नुभएको हो । सपथ ग्रहणको समय भने मंगलवार साँझ ६ बजेलाई निर्धारण गरिएको छ । प्रधानमन्त्री नियुक्त भएपछि देउवाले मंगलवार नै सानो मन्त्रिमण्डल गठन गर्ने तयारी गर्नुभएको छ ।
सर्वोच्च अदालतले सोमवार प्रतिनिधि सभा पुन : स्थापना गर्दै सो पार्टीका सभापति देउवालाई प्रधानमन्त्री नियुक्त गर्न परमादेश जारी गरेको थियो। उहाँको प्रधानमन्त्री पदको कार्यकाल यो पाँचौं पटक हो ।
