चितवन । व्यवसायी तथा शिक्षाविद् मनोज विष्टले प्रेस चौतारी चितवन शाखालाई एक थान कम्प्युटर हस्तान्तरण गरेको छ । प्रेस चौतारी चितवनको कार्यलयमै गएर विष्टले एक थान कम्प्युटर हस्तान्तरण गरेका हुन् ।
विष्टले पत्रकारहरुलाई काम गर्न सहज होस् भनेर कम्प्युटर प्रदान गरिएको बताए। उनले निर्वाचनको माहोलमा छिटोभन्दा छिटो समाचार प्रकाशन प्रसारण गर्नपर्ने भएकाले पत्रकारलाई सहज होस् र सर्वसाधारणले छिटो समाचार पढ्न पाउन भनेर कम्प्युटर हस्तान्तरण गरेको उनले बताए ।
कार्यक्रममा बोल्दै प्रेस चौतारी चितवनका अध्यक्ष सुवास पण्डितले विष्टको सहयोगले आफूहरुलाई अझ हौसला मिलेको बताएका छन्। उनले कम्प्युटर प्रदान गरेकोमा धन्यवाद दिनुको साथै चुनावको समयमा प्रेस चौतारीले न्यूज डेस्क राखेर काम गर्ने समेत बताए ।
