चितवन । गठबन्धनमा भरतपुर महानगरपालिकाको मेयर माओवादी केन्द्रलाई दिने सहमति भएपछि रेनु दाहालको चुनावी प्रचार गीत सार्वजनिक भएको छ । रेनु माओवादी केन्द्रबाट भरतपुर महानगरमा फेरि मेयर उठ्ने पक्का भएको छ । योसँगै उनको चुनावी प्रचार गीत सार्वजनिक गरिएको छ ।
गीतमा मेयर दाहाललाई फेरि एकपटक जिताउन अपिल गरिएको छ । चिल्ला सडक, निर्माणाधीन सिटी हल, गौतमबुद्ध अन्तर्राष्ट्रिय क्रिकेट रंगशाला, ६ लेन सडक खण्डलाई गीतमा समेटिएको छ । नारायणी नदी किनारबाट सुरु भएको भिडियोमा भरतपुर महानगरको बन्न लागेको प्रशासनिक भवनसम्मलाई समेटिएको छ । सन्तोष देउजाको शब्द रहेको यस गीतमा विष्णु खत्री र टिका पुनले स्वर दिएका छन् । गीतमा प्रदिप त्रिपाठीले संगीत भरेका छन् ।
विजय पुन, उत्सव अधिकारी, सुनिता तिमिल्सिना, सपना शिवाकोटीलगायतको अभिनय छ । रविन्द्र बरालले छायाँकन रपत्रकार रवि अधिकारीले निर्देशन गरेका छन् । नृत्य निर्देशक रविन शाह हुन् भने भिडियोलाई विष्णु सेवाले सम्पादन गरेका छन् ।
