चितवन । नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टीले भरतपुर महानगर चाहियो, त्यसमा पनि रेनु दाहाल नभई हुन्न नभनेको बताएका छन्।
पेरिसडाँडामा आज पत्रकार सम्मेलनमा अध्यक्ष प्रचण्डले भने, ‘छ महानगरमध्ये माओवादीले एक महानगर पाउँछ, त्यसमा जितेको ठाउँ भरतपुर हुँदा राम्रो भनिएको हो, तर भरतपुर नै चाहिन्छ, रेनु नै चाहिन्छ भनेर भनेका छैनौँ ।’
उनले छ वटा महानगरमा एउटा माओवादीलाई पर्ला। काठमाडौं वा विराटनगर भए पनि हुने बताए । माओवादी केन्द्रलाई भरतपुर दिन मोटामोटी सहमति गठबन्धनमा छ। कांग्रेसका केही नेताले मानेका छैनन् तर औपचारिक निर्णय भएपछि यस्ता विरोधले तात्विक फरक नपर्ने प्रचण्डको भनाइ थियो ।
