चितवन । नेकपा माओवादी केन्द्र रत्ननगर नगर समितिको नगर विस्तारित बैठक आज सम्पन्न भएको छ ।
माओवादी केन्द्रका केन्द्रीय सदस्य एवम् जिल्ला इन्चार्ज रेनु दाहालको प्रमुख आतिथ्यतामा भएको विस्तारित बैठकको अध्यक्षता नगरका अध्यक्ष श्याम बरालले गरेका थिए । प्रमुख अतिथि दाहालले भरतपुर महानगरमा माओवादी केन्द्रको जित हुने बताइन् । उनले भनिन्, ‘भरतपुरमा हामी जित्छौँ, गठबन्धन आवश्यक छैन ।’
कार्यक्रममा केन्द्रीय सदस्य कन्चन खनाल, जिल्ला संयोजक रामचन्द्र अधिकारी, संगीता भट्टराई, लक्ष्मी नेपाली, रत्त्ननगर इन्चार्ज राजु अमगाइ सुबोध लगायतले मन्तव्य दिएका थिए ।
