चितवन । आज पश्चिम चितवनका केहि ठाउँमा विद्युत सेवा अवरुद्ध हुने भएको छ ।
नेपाल विद्युत प्राधिकरण चनौली वितरण केन्द्रको मेघौली फिडरमा आज बिहान ६ बजे देखि १ बजेसम्म सेवा अवरुद्ध हुने भएको हो । चनौली वितरण केन्द्रका अनुसार मेघौली फिडरको मिलनचोक गीतानगर क्षेत्रमा ११ केभी लाइन अपग्रेड गर्नुपर्ने भएकोले सेवा अवरुद्ध हुने भएको हो ।
भरतपुरको ज्योतिनगर, खत्रौली, पर्साढाप, खयरघारी, तैलौली, जितपुर, गोलाघाट लगायतका स्थानमा सात घण्टा लाइन काटिने केन्द्रले जनाएको छ । काम चाँडै सकिएको खण्डमा निर्धारित समय अगावै लाइन सुचारु हुने समेत केन्द्रले जानकारी दिएको छ ।
