चितवन । चितवनको राप्ती नगरपालिकामा ट्रक र मोटरसाइकल एकापसमा ठक्कर खाँदा एक जनाको मृत्यु भएको छ । चितवनको राप्ती नगरपालिका १ महादेवटारमा ना ४ ख ४६०९ नम्बरको ट्रक र प्रदेश ३–३–००१ प ५८३३ नम्बरको मोटरसाइकल शुक्रबार राति एकापसमा ठक्कर खाएको थियो ।
सो दुर्घटनामा मोटरसाइकल चालक मकवानपुर मनहरी गाउँपालिका ६ सुनाचुरी बस्ने ५५ वर्षीय रमेश तामाङको मृत्यु भएको प्रहरीले जनाइएको छ । दुर्घटनामा गम्भीर घाइते भएका उनको पुरानो मेडिकल कलेज भरतपुरमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
