चितवन । इच्छाकामना–३ मा रहेको पृथ्वी राजमार्गमा आज भएको बस दुर्घटनामा ३८ जना घाइते भएका छन् ।
चितवनको इच्छाकामना गाउँपालिका ३ स्थित पानीधारामा काँकडभिट्टाबाट काठमाडौं गइरहेको बा ५ख ७९४२ नम्बरको बस अनियन्त्रित भएर पल्टिएको चितवन प्रहरी प्रवक्ता डिएसपी नरहरि अधिकारीले जानकारी दिए । उनका अनुसार बसमा सवारमध्ये ३८ जना घाइते भएका छन् ।
घाइतेमध्ये तीन जनाको अवस्था गम्भीर रहेको छ । बस सडकमै पल्टिएपछि अवरुद्ध भएको पृथ्वी राजमार्ग भर्खर खुलेको छ ।
