चितवन। नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आगामी निर्वाचनमा गठबन्धन हुने ठोकुवा गरेका छन्। भरतपुर विमानस्थलमा आज (बिहीबार) पत्रकारसँग संक्षिप्त कुराकानी गर्दै प्रचण्डले गठबन्धन हुने ठोकुवा गरेका हुन्।
प्रचण्डले गठबन्धन स्थानीय निर्वाचनमा मात्र नभई संघीय निर्वाचनमा समेत हुने दावी गरे। कांग्रेसले त ! गठबन्धन हुन्न भनेको छ नि ? भन्ने प्रश्नमा उनले भने, ‘कांग्रेसले भनेको छैन त्यो एमालेले भनेको हो।’ पत्रकारको चितवन कांग्रेसले मान्दैनौं भनेको छ नि ? भन्ने अर्को प्रश्नमा अध्यक्ष दाहालले भने, ‘चितवन कांग्रेसले भनेर मात्र हुँदैन।’
