चितवन । राप्रपाका उपाध्यक्ष विक्रम पाण्डेले राष्ट्रवादी शक्ति एक नभए देश नै नरहने बताएका छन् ।
राष्ट्रिय प्रजातन्त्र पार्टी चितवनले आज भरतपुरमा आयोजना गरेको पार्टी प्रवेश तथा अगुवा कार्यकर्ता भेटघाट कार्यक्रममा पूर्वमन्त्रीसमेत रहेका पाण्डेले देश जोगाउन राष्ट्रवादी शक्ति एक हुनुपर्ने बताए । उनले भने, ‘राप्रपा नै राष्ट्रवादी शक्ति हो, यसमा समाहित हुनलाई सबैमा म आग्रह गर्दछु ।’
हाम्रो नेपाल हामी नेपाली चितवनका १०५ जना अगुवाहरु आज राप्रपामा प्रवेश गरेका छन् । ज्ञानेन्द्र शाहीले नेतृत्व गरेका हाम्रो नेपाल हामी नेपाली अभियानका १ सय ५ जना युवाहरुलाई उपाध्यक्ष विक्रम पाण्डेले पार्टी प्रवेश गराएका थिए । पार्टी प्रवेश कार्यक्रममा जिल्ला अध्यक्ष रुद्रप्रसाद ढकालले भने, ‘आउनुहोस अब सम्पुर्ण जनता मिली भ्रष्टाचार विरुद्ध र राष्ट्रियताको समर्थनमा एकजुट भएर लडौं र राष्ट«वादी पार्टी राप्रपामा लागौं ।’
