चितवन । चितवन जिल्ला बचत तथा ऋण सहकारी संघले आज नारायणी माविमा रजत महोत्सव मनाएको छ । चितवन जिल्ला वचत तथा ऋण सहकारी संघले २५ औँ वार्षिकोत्सव अवसरमा रजत महोत्सव मनाएको हो ।
नारायणी माविको प्राङ्गणमा भएको रजत महोत्सवमा विभिन्न ठाउँबाट बचत सहकारीहरु सहभागी भएका छन् । भरतपुरको चौबिसकोठीबाट भेषभुषा र झाँकीसहित शोभायात्रा निकालिएको थियो । भेषभुषा र झाँकीसहितको शोभायात्रामा दर्जनौँ सहकारीहरु सहभागी भएका छन् ।
