चितवन । जिल्ला प्रहरी कार्यालय चितवनको हिरासतमा रहेका थुनुवाहरुले पनि होली पर्व मनाएका छन् । हिरासतमा रहेका थुनुवाहरुले एकआपसमा रंग दलेर होली पर्व मनाएका हुन् ।
उच्च मनोबलका लागि उल्लासपूर्ण काम गर्ने वातावरण श्रृजना गर्ने उद्देश्यका साथ थुनुवाहरुलाई होली टीका लगाएर पर्व मनाइएको चितवन प्रहरीले जनाएको छ । आज होलीका दिन कार्यालय प्रमुख प्रहरी उपरीक्षक नवराज अधिकारीले थुनुवाहरुलाई टीका लगाएका थिए ।
कार्यालयको हिरासतमा रहेका विभिन्न मुद्दाका थुनुवाको मनोवल एवं उत्प्रेरणा स्तरमा सकारात्मक सुधार ल्याउन होली पर्व मनाइएको प्रहरीको भनाइ छ । प्रहरीप्रति देखिने नकारात्मक सोचको अन्त्य गर्ने उद्देश्यले थुनामा रहेका ६५ जनालाई प्रहरी प्रमुख अधिकारीले टीका लगाइदिए ।
