चितवन। चितवनको ईच्छाकामना गाँउपालिका २ रमाइलो डाँडा स्थित भित्री सडक खण्डमा भएको मोटरसाइकल दुर्घटनामा तीन जनाको मृत्यु भएको छ । ईच्छाकामना गाँउपालिकाबाट कालिका नगरपालिका शक्तिखोर तर्फ आउँदै गरेको प्रदेश २-०३-००२ प ५९८६ नम्बरको मोटरसाइकल दुर्घटना भएको हो ।
हिजो (शुक्रबार) दिउँसो ५ बजेको समयमा भएको दुर्घटनामा तीनै जनाको घटनास्थलमै मृत्यु भएको जिल्ला प्रहरी कार्यालय चितवनले जनाएको छ । मृत्यु हुनेमा मोटरसाइकल चालक ईच्छाकामना गाँउपालिका २ बस्ने ३४ वर्षिय नविन गुरुङ, मोटरसाइकल पछाडी सवार ३० वर्षिय प्रतिभा गुरुङ र मृतक प्रतिभा गुरुङको ५ वर्षिय छोरा आरोन गुरुङ रहेका छन् ।
मोटरसाइकल आफै अनियन्त्रित भई दुर्घटना भएको चितवन प्रहरीले जानकारी दिएको छ ।
