चितवन। नेपाली कथानक चलचित्र ‘ए मेरो हजुर ४’को नयाँ गीत सार्वजनिक भएको छ। गायिका मेलिना राई र निशान भट्टराईको आवाजमा रहेको ‘सुन्तला’ बोलको नयाँ गीत मंगलबार सार्वजनिक भएको हो।
बुढा सुव्वा डिजिटलको अफिसियल युट्युब च्यानलमार्फत सार्वजनिक गरिएको उक्त गीतलाई हालसम्म ७ लाखभन्दा बढीले हेरिसकेका छन्। उक्त गीतको शब्द संगीत बसन्त सापकोटाको रहेको छ ।
अनमोल केसी र सुहाना थापा अभिनित डान्सिङ बिटको उक्त गीतमा नृत्य निर्देशन कविराज गहतराजको रहेको छ। त्यस्तै गीतको छायांकन सञ्जय लामाले गरेका हुन्। आगामी वैशाख १ गतेबाट प्रदर्शनको तयारीमा रहेको यो चलचित्र झरना थापाले निर्देशन गरेकी हुन्।
