चितवन । चितवन राष्ट्रिय निकुञ्जभित्र तीन जनाको समूहमा घाँस काट्न गएकामध्ये एक जनाको बाघको आक्रमणबाट मृत्यु भएको छ ।
दुई जना सकुशल रहेका चितवन प्रहरीले जनाएको छ । तीन जनाको समूहमा घाँस काटिरहेका बेला एक जनालाई एक्कासी बाघले आक्रमण गरेको थियो ।
बाघको आक्रमणबाट भरतपुर ६ बस्ने वर्ष ६० की चिजा सार्कीको मृत्यु भएको प्रहरीले जनाएको छ । भरतपुर १३ बस्ने सीता दराई र सोही स्थानका हेमराज सापकोटा सकुशल रहेका छन् ।
इलाका प्रहरी कार्यालय गीतानगर र चितवन राष्ट्रिय निकुञ्जको टोली हात्तीसहित निकुञ्जभित्र खोजतलास गरी शवलाई नियन्त्रणमा लिएको छ । शवको आधा भाग बाघले खाइसकेको प्रहरीको भनाइ छ ।
