चितवन।चितवनमा कोरोना भाइरसको संक्रमण निरन्तर ओरोलो लागिरहेको छ । एउटा उखान छ नि खोलाखोलै गयो । त्यस्तै कोरोना पनि खोलाखोलै गएजस्तो भएको छ । आज चितवनमा जम्मा १९ जनामात्र कोरोना संक्रमित थपिएका छन् । ६५ जना त कोरोनाको संक्रमणबाट मुक्त भएका छन् ।
आज भरतपुर महानगरमा १५, माडीमा २ र कालिकामा ३ जना कोरोना संक्रमित थपिए । सक्रिय संक्रमित पनि ओरालो लाग्दै ५७९ मा आइपुगेको छ । कोरोनाका कारणले सबै क्षेत्र खुला गरे पनि यतिबेला कोरोनाको कहर कम हुँदै गइरहेको छ ।
चितवनमा हालसम्म कोरोनाका कारण मृत्यु हुनेको संख्या ४४८ पुगेको छ । हालसम्म चितवनमा जम्मा संक्रमितको संख्या ३३ हजार ५१३ पुगेको छ भने निको हुनेको संख्या ३२ हजार ७२४ पुगेको छ।
