चितवन।भरतपुर १ देवघाटमा सुकल्प अतिथि भवनको आज शिलान्यास गरिएको छ ।
सुकल्प जिल्ला कार्यसमितिका अध्यक्ष डा गुरूप्रसाद सुवेदीको अध्यक्षतामा भएको कार्यक्रममा भरतपुर महानगरपालिकाका प्रमुख रेनु दाहालले भवनको शिलान्यास गरेकी थिइन् । प्रमुख दाहाल कार्यक्रमको प्रमुख अतिथि रहेकी थिइन् ।
भरतपुर महानगर पालिकाका प्रमुख प्रशासकिय अधिकृत रामवन्धु सुवेदी, सुकल्प केन्द्रीय अध्यक्ष ऋषिप्रसाद सुवेदी, केन्द्रीय सुकल्प उपाध्यक्ष प्रेमप्रसाद सुवेदी एवम् निर्माण समितिका संयोजक रामप्रसाद सुवेदीले शुभकामना मन्तव्य दिएका थिए ।
कार्यक्रमको संचालन भूमिलाल सुवेदीले गरेका थिए। उक्त शिलान्यास कार्यक्रममा पूर्व अध्यक्ष हरिप्रसाद सुवेदी, भानुभक्त सुवेदी, गिरीधारी सुवेदी, वाग्मती सुकल्प अध्यक्ष कृष्णप्रसाद सुवेदीलगायत करिव एक सय जनाको सहभागिता रहेको थियो ।
