चितवन । चितवनमा आज एकैदिन १३४ जना कोरोना संक्रमित थपिएका छन् । स्वास्थ्य कार्यालय चितवनका अनुसार भरतपुर महानगरमा ९६, खैरहनी नगरपालिकामा ८, माडीमा ८, रत्ननगरमा १०, राप्तीमा ३, कालिकामा ५, इच्छाकामनामा ४ जना संक्रमित थपिएका छन् ।
स्वास्थ्य कार्यालयले सार्वजनिक गरेको विवरणअनुसार चितवनमा एकैदिन ३४९ जना संक्रमणमुक्त भएका छन् । चितवनमा अझै एक हजार ८ सय १७ सक्रिय संक्रमित रहेका छन् । जसमध्ये होम आइसोलेसनमा एक हजार ६४५ र अस्पतालको आइसोलेसनमा १४४ जना रहेका छन् ।
