चितवन। पछिल्लो २४ घन्टामा ४७ जना कोरोना संक्रमित थपिएका छन् । हिजो संक्रमितको संख्या १७४ थियो।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा ३९ जना, रत्ननगर नगरपालिकामा ५ जना, खैरहनी नगरपालिकामा १ जना, कालिका नगरपालिकामा १ जना र राप्ती नगरपालिकामा १ जना संक्रमित थपिएका छन् । संक्रमितहरुमध्ये महिलाको संख्या १५०८७ र पुरुषको संख्या १७०९५ रहेको छ। आईतबार ४०४३ सक्रिय संक्रमितको संख्या पुगेको छ ।
हालसम्म चितवनमा कोरोना संक्रमितको संख्या ३१ हजार १९६ पुगेको छ । २७ हजार ७१३ जना निको भएका छन् । चितवनमा कोरोनाबाट मृत्यु हुनेको संख्या ४४० पुगेको स्वास्थ्य कार्यालय चितवनले जनाएको छ।
