चितवन। पछिल्लो २४ घन्टामा २८२ जना कोरोना संक्रमित थपिएका छन् । हिजो संक्रमितको संख्या २८९ थियो। कोरोनबाट एकको मृत्यु भएको छ भने आज १४६ जना संक्रमित संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा १६७ जना, रत्ननगर नगरपालिकामा ४२ जना, खैरहनी नगरपालिकामा १८ जना, कालिका नगरपालिकामा ९ जना, इच्च्छाकामना नगरपालिकामा ५ जना, माडी नगरपालिकामा २८ जना, र राप्ती नगरपालिकामा १३ जना संक्रमित थपिएका छन् । संक्रमितहरुमध्ये पुरुषको संख्या १६८६४ र महिलाको संख्या १४८४३ रहेको छ। विहिबार सक्रिय संक्रमितको संख्या ३८९९ पुगेको छ ।
हालसम्म चितवनमा कोरोना संक्रमितको संख्या ३१ हजार ७२१ पुगेको छ । २७ हजार ३८३ जना निको भएका छन् । चितवनमा कोरोनाबाट मृत्यु हुनेको संख्या ४३९ पुगेको स्वास्थ्य कार्यालय चितवनले जनाएको छ।
