चितवन। पछिल्लो २४ घन्टामा १३५ जना कोरोना संक्रमित थपिएका छन् । हिजो संक्रमितको संख्या १४६ थियो। आज १० जना संक्रमित संक्रमणमुक्त भएका छन्। बिहिबार ९४ र हिजो शुक्रबार १४६ र आज १३५ जनामा कोरोना संक्रमण देखिएको छ। यसरी हेर्दा दिनदिनै कोरोना संक्रमित दोब्बर वृद्धि भएको देखिन्छ।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा १३० जना, रत्ननगर नगरपालिकामा ४ जना, खैरहनी नगरपालिकामा ३ जना, माडी नगरपालिकामा २ जना, इच्च्छाकामना नगरपालिकामा ३ जना, कालिका नगरपालिकामा २ जना र राप्ती नगरपालिकामा १ जना संक्रमित थपिएका छन् । शनिबार सक्रिय संक्रमितको संख्या ५९५ पुगेको छ ।
हालसम्म चितवनमा कोरोना संक्रमितको संख्या २७ हजार ८२४ पुगेको छ । २६ हजार ७९२ जना निको भएका छन् । चितवनमा कोरोनाबाट मृत्यु हुनेको संख्या ४३७ पुगेको स्वास्थ्य कार्यालय चितवनले जनाएको छ।
