चितवन। पछिल्लो २४ घन्टामा १२ जना कोरोना संक्रमित थपिएका छन् । सोहि अवधिमा ३ जना संक्रमित संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा ४ जना र रत्ननगर नगरपालिकामा ३ जना, राप्ती नगरपालिकामा २ जना, कालिका नगरपालिकामा २ जना, खैरहनी नगरपालिकामा १ जना संक्रमित थपिएका छन् । सोमबार सक्रिय संक्रमितको संख्या ८५ पुगेको छ ।
हालसम्म चितवनमा कोरोना संक्रमितको संख्या २७ हजार २३८ पुगेको छ । २६ हजार ७१८ जना निको भएका छन् । चितवनमा कोरोनाबाट मृत्यु हुनेको संख्या ४३५ पुगेको स्वास्थ्य कार्यालय चितवनले जनाएको छ।
