चितवन। पछिल्लो २४ घन्टामा ९ जना कोरोना संक्रमित थपिएका छन् । सोहि अवधिमा ४ जना संक्रमित संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा ६ जना र खैरेहनी नगरपालिकामा १ जना, कालिका नगरपालिकामा १ जना, माडी नगरपालिकामा १ जनामा संक्रमित थपिएका छन् । सोमबार सक्रिय संक्रमितको संख्या ८८ पुगेको छ ।
हालसम्म चितवनमा कोरोना संक्रमितको संख्या २७ हजार १९७ पुगेको छ । २६ हजार ६७४जना निको भएका छन् । चितवनमा कोरोनाबाट मृत्यु हुनेको संख्या ४३५ पुगेको स्वास्थ्य कार्यालय चितवनले जनाएको छ।
