चितवन। पछिल्लो २४ घन्टामा ५ जना कोरोना संक्रमित थपिएका छन् । सोहि अवधिमा ५ जना संक्रमित संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा ४ जना र राप्ती नगरपालिकामा १ जना संक्रमित थपिएका छन् । शनिबार सक्रिय संक्रमितको संख्या ९८ पुगेको छ ।
हालसम्म चितवनमा कोरोना संक्रमितको संख्या २७ हजार १८९ पुगेको छ । २६ हजार ६५६ जना निको भएका छन् । चितवनमा कोरोनाबाट मृत्यु हुनेको संख्या ४३५ पुगेको स्वास्थ्य कार्यालय चितवनले जनाएको छ।
