चितवन । माडीमा होटल ट्वन्टीवानको निर्माण सुरुभएको छ ।घरजग्गा व्यवसायी कम्पनी ट्वन्टीवान ग्रुप प्रपर्टी प्रालिले करीब २० करोडको लगानीमा स्टार लेभलको सो होटल निर्माण गर्न लागिएको हो ।
होटलको माडी नगरपालिकाका प्रमुख ठाकुर प्रसाद ढकालले सिमेन्टमा ईंटा राखी निर्माण शुभारम्भ गरेका हुन्। २ बर्षभित्र निर्माण सक्नेगरी नेपाल स्ट्रक्चरल ब्युल्डर्स निर्माण कम्पनीले होटलको निर्माण सुरु गरेको हो ।
माडीको पौहारीमा करीब २ बिगाहा क्षेत्रफलमा होटल निर्माण सुरु भएको हो । होटलको पूर्वपट्टी पार्क निर्माण गरिने र पूर्व, पश्चिम र दक्षिणतर्फ आवास क्षेत्र एवं बजार विकास गरिने निर्माण कम्पनीको योजना रहेको ट्वन्टीवान ग्रुप प्रपर्टी प्रा लिका प्रवन्ध निर्देशक राज केसीले बताए ।स्वदेश एफएमबाट
