चितवन। पछिल्लो २४ घन्टामा ४ जना कोरोना संक्रमित थपिएका छन् । सोहि अवधिमा १६ जना संक्रमित संक्रमणमुक्त भएका छन्।
स्वास्थ्य कार्यालय चितवनले दिएको विवरणअनुसार पछिल्लो २४ घन्टामा भरतपुर महानगरपालिकामा ३ जना र खैरेहनी नगरपालिकामा १ जना संक्रमित थपिएका छन् । बिहिबार सक्रिय संक्रमितको संख्या १४० पुगेको छ ।
हालसम्म चितवनमा कोरोना संक्रमितको संख्या २७ हजार ०७९ पुगेको छ । २६ हजार ५०६ जना निको भएका छन् । चितवनमा कोरोनाबाट मृत्यु हुनेको संख्या ४३३ पुगेको स्वास्थ्य कार्यालय चितवनले जनाएको छ।
